Sotuv qo'ng'iroqlari uchun AI

AI har bir qo'ng'iroqni tinglaydi — siz haqiqatni ko'rasiz

amoCRM va Bitrix24'dagi qo'ng'iroqlar o'zi matnga aylanadi, menejer sizning skriptingiz bo'yicha baholanadi, issiq lid esa yo'qolib ketmaydi. O'zbek va rus tilida, kechayu kunduz.

O'zbekcha transkripsiya Skript bo'yicha ball Lid harorati Telegram hisobot

Telegramda yozing Narxni ko'rish

Ishga tushirish $500 · oylik abonent to'lovi yo'q

Qo'ng'iroq #4821 · 01:32 · +998 90 ••• 41 07 AI tinglamoqda

Lid harorati Sovuq

0/100

Menejer bahosi · skript bo'yicha

AI xulosasi Suhbat tahlil qilinmoqda…

Qanday ishlaydi

Bir marta ulaysiz — qolgani o'zi ketadi

Hech kim hech narsani qo'lda yuklamaydi va tinglab o'tirmaydi. Har bir qo'ng'iroq shu to'rt qadamdan o'tadi.

CRM ulanadi

amoCRM yoki Bitrix24 bir marta ulanadi — buni biz qilamiz. Qo'ng'iroqlar yozuvi o'zi oqib kela boshlaydi.

AI suhbatni yozib oladi

So'zma-so'z matn — o'zbekcha ham. Biz o'nlab modelni sinab ko'rib, o'zbek nutqini eng aniq tushunadiganini qoldirdik.

Baho qo'yiladi

Sizning skriptingiz mezonlari bo'yicha ball, lid harorati va «nega shunday» degan izoh. Kayfiyatga emas — qoidaga qarab.

Ish CRM'da boshlanadi

Xulosa sdelkaga eslatma bo'lib tushadi, «30 daqiqada bog'lan» vazifasi qo'yiladi, Telegramga xabar ketadi.

Nima o'zgaradi

Sotuv bo'limi taxminlar ustida emas, raqamlar ustida ishlay boshlaydi

~~ROP kuniga 5-10 ta qo'ng'iroqni tinglashga ulguradi~~

Hammasi tinglanadi — bittasi ham chetda qolmaydi

~~«Menimcha, yaxshi ishlayapti» degan baho~~

100 ballik baho va qaysi jumlada nima buzilgani

~~Issiq mijoz ertaga, kayfiyat sovigach eslanadi~~

Issiq lid bo'yicha 30 daqiqalik vazifa darrov tushadi

~~Yangi menejer oyiga o'rganadi va lid kuydiradi~~

Har suhbatdan keyin aniq maslahat — birinchi haftadanoq o'sadi

Imkoniyatlar

Tinglashdan hisobotgacha — bitta tizimda

Har bir funksiya jonli sotuv bo'limida sinab ko'rilgan, chiroy uchun qo'yilgani yo'q.

O'zbekcha transkripsiya

Har bir suhbat matnga aylanadi — o'zbekcha, ruscha va aralash gapirilsa ham. Qidiruvdan istalgan so'zni topasiz.

Sizning skriptingiz bo'yicha baho

Mezonlarni o'zingiz yozasiz: salomlashuv, ehtiyojni ochish, narx, keyingi qadam. AI shu qoidalarga qarab ball qo'yadi.

Lid harorati

Har bir suhbatdan keyin lid Sovuq, Iliq yoki Issiq deb belgilanadi. Ertalab kimga birinchi qo'ng'iroq qilishni bilib turasiz.

Javobsiz qo'ng'iroq eslatmasi

Mijoz qo'ng'iroq qilib, ko'tarilmasa — menejerga eslatma ketadi. Ochiq vazifa bo'lsa, bezovta qilmaydi.

Telegram hisobot

Kechqurun rahbarga dayjest: nechta qo'ng'iroq, dozvon foizi, suhbat vaqti, kim ko'tarildi, kim tushdi. Haftada — audit.

O'z brendingizdagi kabinet

Kabinet sizning nomingiz va rangingiz ostida. Egasi hammasini, ROP hisobotlarni, menejer faqat o'z qo'ng'iroqlarini ko'radi.

Kim uchun

Bitta tizim — uch xil ko'rinish

Har kim faqat o'ziga keragini ko'radi. Menejer boshqaning ballini ko'rmaydi.

Biznes egasi

Butun bo'lim bir ekranda

Kim qanday sotayotgani va pul qayerda oqib ketayotgani ko'rinib turadi — hisobot so'rab o'tirmaysiz.

Menejerlar reytingi va dinamikasi
Yo'qotilgan lidlar ro'yxati
Istalgan suhbatni matndan o'qish

Sotuv rahbari

Qo'lda tinglash tugadi

Kunlik hisobot, haftalik audit va reyting o'zi Telegramga keladi. Sizga faqat qaror qabul qilish qoladi.

Kunlik va haftalik dayjest
Skript buzilgan joy — jumlasi bilan
O'qitish uchun tayyor misollar

Menejer

Baho ochiq va adolatli

Faqat o'z qo'ng'iroqlaringiz va ballaringiz. Nega shunday baho qo'yilgani ham yozib qo'yiladi.

Shaxsiy ball va haftalik o'sish
Har suhbatga bitta aniq maslahat
Boshqa menejer ma'lumoti yopiq

Narx

Bir marta ishga tushirasiz. Keyin abonent to'lovi yo'q

Yashirin to'lov ham, «paketni ko'taring» degan gap ham yo'q. To'lov jadvali shunchaki shunday ko'rinadi.

0-oy · Ishga tushirish

O'rnatish va sozlash

$500

Bir martalik to'lov. Hammasini biz qilamiz — siz faqat kirish huquqini berasiz va skriptingizni aytasiz.

Sovg'aga $300 AI kredit Transkripsiya va tahlil xarajati shundan yechiladi — odatda 3 oyga yetadi.

CRM va telefoniyani ulash, yozuvlarni tekshirish
Skript mezonlari va baholash qoidalarini sozlash
Telegram hisobotlar va avto-vazifalarni yo'lga qo'yish
Jamoa uchun o'quv sessiyasi

1-oy · Jonli sinov

Barcha o'zgartirishlar

Bepul

Birinchi oy tizim sizning bo'limingizga moslashadi. Mezonni o'zgartirish, hisobot shaklini qayta yig'ish, yangi qoida qo'shish — hammasi bu oyda tekin.

Cheklovsiz sozlash va tuzatish
Baholash mezonlarini birga qayta ko'rish
Telegramda to'g'ridan-to'g'ri qo'llab-quvvatlash

2-oydan boshlab

Faqat yangi ish uchun

$0/oy

Tizim ishlab turadi va bu uchun oylik olmaymiz. To'lov faqat yangi funksiya yoki qo'shimcha o'zgartirish buyurtma qilsangiz — ish hajmi bo'yicha, oldindan kelishib.

Abonent to'lovi yo'q
Har bir qo'shimcha ish narxi oldindan aytiladi
Kerak bo'lmasa — hech narsa to'lamaysiz

Jami birinchi oy: $500. Ichida — o'rnatish, sozlash, $300 AI kredit va cheklovsiz o'zgartirishlar.

Ishga tushirishni bron qilish

AI kredit tugagach, sarfni birga ko'rib chiqamiz — hisob ochiq, ustiga qo'yilmaydi.